Gaurkotasuna

Itsasadarra protagonista izango da argazki lehiaketa baten eta beste hainbat ekintzetan

Leioako Udalak, Portu Fundazioaren laguntzarekin, ‘Leioa Itsasadarretik’ izeneko argazki lehiaketa antolatuko du Leioarentzat itsasadarrak duen garrantzia nabarmentzeko asmoarekin.

‘Leioa Itsasadarretik’ argazki lehiaketak itsasadarra izango du protagonista nagusia, lehiaketa irekia izango da eta batez ere leioaztarrei zuzendutakoa.

Lehiaketa honetaz gain, hainbat ekintza osagarri izango dira honen inguruan partaidetza sustatzeko. Berezko web gunea izango du lehiaketak, bertan parte hartzen duten argazki guztiak ikusi ahal izateko. Beste alde batetik, hainbat hitzaldi ere izango dira hilabete hauetan historia, ondarea eta biodibertsitateari buruz aritzeko adituekin. Ekintza ludikoak eta partehartzaileak ere izango dira itsasadarrarekin zerikusia izango dutenak, Leioako biztanleri guztiari zuzendutakoak.

Urteko lehen hiruhilabetekoan izango dira ekintza hauek, baina oraindik ez dira datak zehaztu, hurrengoko egunetan jakitera emango dira.